„ЕДИНИЦА ЗА ИТНИ ИНТЕРВЕНЦИИ ЗА НЕСРЕЌИ ВО ПЛАНИНА“

        Единицата за итни интервенции за несреќи во планина при Црвен крст на градот Скопје, отвори целосно опремена станица кај домот „Даре Бомбол“ на Средно Водно (100 метри над второто паркиралиште по асфалтот), од неа ќе се покрива реонот Водно-Матка, но и цела Македонија. Телефонот преку кој може да се добијат е 02-3177-026 или 075-928-587. Во план е членовите на единицата да бидат опремени и со мобилни телефони. Станицата ќе биде отворена во сабота од 08ч до 20ч и во недела од 08ч до 20ч.

        На 25.05.2005 год. се одржа вежба на единиците за итни интервенции на Црвен крст на град Скопје, меѓу другите во вежбата учествуваше и новоформираната „Единицата за итни интервенции за несреќи во планина“. Атрактивната заедничка акција содржеше вежби за гасење пожар со хеликоптер, спасување давеник и транспортирање на давеникот со хеликоптер.
        Неколку фотографии снимени од Татјана Тодоровска:

        Во рамките на „Единицата за итни интервенции за несреќи во планина“ при Црвениот крст на Македонија членуваат и планинарите на ПСД “КОРАБ“: Слободан Соколовски, Петревски Оливер, Ванчо Георгиевски, Виктор Антовски, Димитар Боцевски и Оливер Бoнчаноски.